El Centru d´Arte Rupestre dispon d´otros espacios nel equipamientu que completen la ufierta de servicios:
- Cafetería-restaurante “El cielo de Ribadesella”. Abiertu: 2 y 5 d'abril y sábados y domingos d'abril, de 09:30 a 18:00 hores; y 3 y 4 d'abril, de 09:30 a 20:00 hores. En mayu, fines de selmana y festivos, de 09:30 a 18:00 hores. En xunu, de miércoles a domingu, de 09:30 a 18:00 hores (llunes y martes, zarrao). En xunetu y agostu, de martes a domingu , de 09:30 a 18:00 hores (llunes, zarrao). En setiembre, del 1 al 15, de miércoles a domingu, de 09:30 a 18:00 hores; y del 15 al 30, de 09:30 a 18:00 hores. N'ochobre y 1 de payares, fines de selmana y festivos, de 09:30 a 18:00 hores.
- La sala de consulta, asitiada na Planta d´Accesu, cuenta con ordenadores, publicaciones y material informativu que los visitantes pueden utilizar pa resolver les sos duldes y afondar conocencies. Pueden consultase les publicaciones disponibles nel siguiente documentu: publicaciones sala de consulta.
- Na tienda, el públicu puede atopar productos cola marca del Centru, xuegos didácticos, xoyería, artesanía o una variada selección de llibrería especializada.
- La sala d´esposiciones temporales y sala polivalente, dambes allugaes na primer Planta del Centru, cunten con una capacidá pa más de 50 persones y pueden acoyer eventos, conferencies, proyecciones...
- Na Terraza- mirador, los visitantes pueden esfrutar d´unes vistes privilexaes de Ribesella y la so ría. Atópase na última planta o Planta Mirador.
- Na sala de talleres desenvuélvense les actividaes didáctiques y educatives empobinaes a tolos públicos.
- La Cuevona d’Ardines ye una cúpula xeolóxica escomanada que forma parte del sistema de galeríes de La Moría d'Ardines. Destaca la so sala principal, onde'l techu algama los 40 metros d’altor, güei afuracáu por un torcu natural que dexa'l pasu de la lluz diurno. Cerrao hasta nuevu avisu.