La Cueva d’El Pozu’l Ramu ye unu de los conxuntos rupestres más importantes del Arte Paleolíticu. La dificultá que presenta la visita de dellos de los sos conxuntos artísticos y la necesidá de caltener l'escepcional patrimoniu que contien motivaron l'apertura del Centru d'Arte Rupestre de Tito Bustillo.
A lo llargo del percorríu pela esposición permanente, los visitantes van poder conocer cuándo se produció'l descubrimientu de la cueva, el so valor xeolóxicu, quién l’habitó y cómo son les amueses d'arte rupestre que caltien nel so interior.