“Ente les munches y grandes cueves que s’afayen nel calizu carbonero del Este d’Asturies, vamos citar una con güesos grandes antediluviales y munches cáscares, a 1/3 de llegua al Este de Ribeseya, a la derecha del camín pa Nueva ente’l términu de Ribeseya y Collera” (Guillermo Schulz, 1943).
Dende les primeres observaciones arqueolóxiques feches en 1843 pol xeólogu Guillermo Schulz sobre una cueva ribeseyana, hasta’l presente, pasaron cientu ochenta años. Anguaño son cuasi cuarenta les cueves o averos ribeseyanos catalogaos nel Inventariu del Patrimoniu Cultural d’Asturies con restos arqueolóxicos documentaos, d’importancia desigual, como restos de fauna, cascareros o material cerámico.
| 1 | Cueva de Cuerres |
| 2 | Cueva d’El Colláu |
| 3 | Covacho del Jardón |
| 4 | Cueva de La Ḥigar |
| 5 | Cueva de San Antoniu |
| 6 | Covachos de San Antoniu |
| 7 | Cueva de La Caleyona |
| 8 | Cueva d’El Tinganón |
| 9 | Cueva de La Presa |
| 10 | Cueva de La Boquera |
| 11 | Cueva d’El Ceñil |
| 12 | Cueva de Xuncu |
| 13 | Cueva d’El Pozu’l Ramu |
| 14 | La Cuevona d’Ardines |
| 15 | Cueva de La Viesca o del Tenis |
| 16 | Cueva de La Lloseta |
| 17 | Cueva d’El Cuetu |
| 18 | Cueva d’El Cierru |
| 19 | Cueva de Les Pedroses |
| 20 | Averu de La Tenada |
| 21 | Cueva de Pandu |
| 22 | Cueva de Fresnu |
| 23 | Averu de Fresnu |
| 24 | La Cueva Carmona |
| 25 | Covachu de Berbes |
| 26 | Cueva d’El Molín |
| 27 | Cueva de Bones |
| 28 | Cueva de La Torre |
| 29 | Cueva d’El Cuetu la Ḥoz |
| 30 | Cueva del Cementeriu |
| 31 | Cueva d’El Cárabu |
| 32 | Cueva de La Molera |
| 33 | Cueva de Comontán |
| 34 | Covarrosa |
| 35 | La Cuevona de Cueves |
| 36 | Cueva de Llinares |
| 37 | Cueva d’Uciu |
| 38 | Cueva d’El Covayu |
| 39 | Cueva de L’Ardilleru |
Procedente d’una d’estes cueves, El Covayu, conocemos la esistencia d’un arpón aziliense, resultáu de rebusques furtives llevaes a cabu por aficionaos incontrolaos, una actividá que supón un riesgu grave pa la conservación y la integridá de los xacimientos arqueolóxicos.