Atrás CONVOCATORIA PA LA SELECCIÓN DE TALLERES 2027-2028
15/9/2026.- La Sociedá Pública de Xestión y Promoción Turística y Cultural del Principáu d’Asturies (d’equí p’arriba la SPXP), amás de tener encomendada la xestión de dellos equipamientos culturales, turísticos y deportivos de la rexón, tien ente los sos fines la prestación de toa clas de servicios pa la promoción del sector y actividaes turístiques y culturales del Principáu d’Asturies.
Estos equipamientos, amás d’ufiertar una programación recurrente, promueven un programa d’actividaes especiales coles mires d’atrayer públicu nuevo y ufiertar actividaes novedoses al públicu recurrente.
La SPXP propón esta convocatoria de talleres didácticos con un oxetivu doble: d’una parte, dar a conocer el trabayu de profesionales de distintos ámbitos como la ciencia, la historia, la lliteratura, les tecnoloxíes nueves, l’arte, el deporte, la salú, etc. y d’otra, averar lo mesmo a la ciudadanía asturiana qu’habite na redolada d’estes sedes qu’a los turistes una programación d’actividaes didáctiques y lúdiques de calidá dirixíes a públicu de toles edaes.
A partir de la selección va conformase una llista de talleres didácticos que va valir de base pa la programación en distintes sedes del ámbitu de la xestión de la SPXP o nel marcu de dalguna de les acciones que programe nos años 2027 y 2028.
Quier xenerase un abanicu diversu y representativu del máximu númberu posible d’actividaes distintes.
Les sedes que van poder acoyer les actividaes oxetu d’esta convocatoria son:
- Llaboral Ciudá de la Cultura (Xixón)
- Muséu del Xurásicu d’Asturies (Colunga)
- Parque de la Prehistoria de Teberga (Teberga)
- Centru d’Arte Rupestre de Tito Bustillo (Ribeseya)
- Centru del Prerrománicu Asturianu (Uviéu)
- Muséu Etnográficu de Grandas de Salime “Pepe el Ferreiro” (Grandas de Salime)
Con esta convocatoria establécense les bases y requisitos que van rexila, amás del procedimientu pa la selección de les actividaes o propuestes que van integrar esta llista con respetu a los principios de publicidá, llibre concurrencia y oxetividá.
La hora y fecha tope de presentación de les solicitúes van ser les 12:00 hores del día 7 d’ochobre del 2026.