El Centru d´Arte Rupestre de Tito Bustillo pon a disposición de los grupos escolares delles posibilidades de visita coles que se quier ufiertar a los alumnos un conocimientu meyor de les manifestaciones artístiques de los nuestros antepasaos.

Asina, los escolinos puen visitar el Centru de forma guiada, con un percorríu d´unos 45 minutos pela esposición y conteníos del equipamientu.

Tamién s´ufierta a estos grupos la posibilidá de facer una visita guiada y, amás, participar nun taller educativu y lúdicu. Con estes actividaes didáctiques búscase dar un enfoque diferente a la interpretación del patrimoniu arqueolóxicu y prehistóricu, con opciones estremaes axustaes a los rangos d´edá.

En tolos casos ye menestar acutar primero nel 902 306 600/985 185 860 o reservas@recrea.asturias.es.