Facebook
Twitter
Youtube
App Móvil

Visites a la Cueva d´El Pozu´l Ramu

La Cueva d’El Pozu’l Ramu ye ún de los conxuntos rupestres mundiales del arte paleolíticu. En xunetu del 2008 declaróse, con otres cuatro cueves asturianes y doce más de Cantabria y el País Vascu, Patrimoniu de la Humanidá poles sos manifestaciones tan estraordinaries d’arte rupestre paleolíticu.

De los doce conxuntos que la formen, namás pue visitase unos meses al añu’l Panel Principal p’ayudar a la preservación y caltenimientu de la cueva.

 

Información importante pa la visita a la Cueva d’El Pozu’l Ramu

  • Abierta del 1 de marzu al 31 d´ochobre de 2024 de miércoles a domingu, de 10:15 hores (primer pase) a 17:00 hores (últimu pase). Cerrao, llunes y martes y 3 y 4 de agostu.
  • Les visites tán llimitaes a un númberu de 15 participantes por pase (150 persones per día).
  • La compra d´entraes pue realizase online y de manera presencial na recepción del Centru d´Arte Rupestre. Nos periodos de máxima afluencia ye imprescindible realizar la compra online de les entraes con muncha antelación
  • La duración de la visita ye d’una hora.
  • El miércoles ye´l día d´accesu gratuitu. Hai que retirar les entraes siguiendo´l mesmu procedimientu que pa los díes de pagu. Si nun van asistir, ruégase que lo comuniquen nel 902 306 600 / 985 185 860 o nel corréu electrónicu reservas@turismoycultura.asturias.es
  • Les visites son namás guiaes en castellanu.
  • Imprescindible máxima puntualidá. El veceru tien de dir a la recepción del Centru d´Arte Rupestre de Tito Bustillo, asitiáu a 300 metros de la entrada a la Cueva, polo menos con 30 minutos d´antelación al respective del horariu del so pase pa identificar les sos entraes. En casu contrariu va perder el derechu d´entrada.
  • La compra de la entrada a la cueva nun incluye la entrada al Centru d’Arte Rupestre.
  • La edá mínima p´aportar a la Cueva ye de 7 años.
  • Desaconséyase la visita a persones con dificultaes de visión o movilidá.
  • Aconséyase l´usu de ropa d´abrigu y calzáu afayadizo, porque se trata d´un terrén enllamorgao, húmedo y esbarioso. La temperatura interior na Cueva ta alredor de los 13 ºC.
  • Nun ta permitío sacar semeyes nin filmaciones dientro de la Cueva d’El Pozu’l Ramu nin introducir bébora o comida.
  • Nun ta permitío fumar.
  • L´accesu de mascotes nun ta permitío.
  • Nun s’almiten devoluciones nin cambéu d’entraes por cancelación del cliente o por nun llegar a la Cueva cola antelación precisa. Tampoco nun s’almiten cambeos de fecha nin modificaciones na tipoloxía d’entrada. 
  • Aconséyase nun dir a la visita con oxetos, mochiles o paragües porque nun hai taquilles.
  • L'accesu al edificiu pel que s'entra a la cueva d'El Pozu'l Ramu y a La Cuevona d'Ardines va facese 5 minutos primero de cada pase. 

Visites individuales a la Cueva d’El Pozu’l Ramu 

Adquiera la entrada online en tiempu pa visitar la cueva d’El Pozu’l Ramu nesti enllaz: 

Comprar entradas 

 

Visites en grupu a la Cueva d’El Pozu’l Ramu

La compra d´entraes de grupos de más de 20 persones tien que se facer al traviés del teléfonu d´información y reserves 902 306 600 / 985 185 860 o nel corréu electrónicu reservasturismoycultura.asturias.es.