A lo llargo d'un pasiellu y por aciu un sistema interactivu, allúmense les vitrines y paneles qu'espliquen les técniques de creación del arte rupestre. Una resquiebra allumada na paré amuesa cómo los pigmentos utilizaos s’atopen na cueva de manera natural.

El conxuntu más importante, el Panel Principal, amuésase al traviés d'un audiovisual proxectáu sobre una pantalla de seis metros. Una impresionante filmación que nos enseñará detalles imposibles de ser percibíos a güeyu na cueva. Asina, los visitantes pueden descubrir cómo esti gran panel fue iguándose a lo llargo de miles d'años, añediendo más y más figures y signos. Dalgunos son fácilmente reconocibles, otros gastaos, borraos o tapaos por representaciones más recién.